Հայ բռնցքամարտիկները մեդալներ են ապահովել Ստրանջայի մրցաշարում

10:56   25 փետրվարի, 2021

Բուլղարիայի մայրաքաղաք Սոֆիայում ընթացող բռնցքամարտի «Ստրանջայի» 72-րդ մրցաշարում Հայաստանը ներկայացնող 63 կգ քաշային Բենիկ Նիկողոսյանը, 81 կգ քաշային Գոռ Ներսիսյանը և 91 կգ քաշային Նարեկ Մանասյանը հաղթել են քառորդ եզրափակիչում և դուրս գալով կիսաերզափակիչ` ապահովել առնվազն բրոնզե մեդալ:

Կիսաեզրափակիչի մենամարտերը կկայանան փետրվարի 26-ին: Փետրվարի 25-ին կիսաեզրափակիչի ուղեգրի համար կպայքարեն նաև 57 կգ քաշային Արթուր Բազեյանը, գերծանր քաշային Գուրգեն Հովհաննիսյանը և 69 կգ քաշային Անի Հովսեփյանը:

Հիշեցնենք, որ Հայաստանի թիմը մրցավայր է մեկնել 10 բռնցքամարտիկով:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։