Ռուսական «Տամբովը» մոտ է Ռուսաստանի Պրեմիեր լիգայում ելույթները դադարեցնելուն: Այդ մասին հայտարարել է ակումբի գլխավոր տնօրեն Օլգա Կոնովալովան:
«99 տոկոսով վստահ եմ, որ «Տամբովը» դուրս կգա Պրեմիեր լիգայից: Ակումբը կդադարի գոյություն ունենալ: Այս պահին չեմ տեսնում ֆինանսավորման որևէ աղբյուր»,- Օլգա Կոնովալովայի խոսքը մեջբերում է «Спорт-экспресс»-ը:
Հիշեցնենք, որ մրցաշրջանի առաջին հատվածում «Տամբովում» էին խաղում Հայաստանի ազգային հավաքականի ֆուտբոլիստներ Ալեքսանդր Կարապետյանը և Վարազդատ Հարոյանը: Կարապետյանը մոտ է «Արարատ-Արմենիա» տեղափոխվելուն, իսկ 28-ամյա Հարոյանն մարզվում է Երևանում և փնտրում է այլ ակումբ:
«Տամբովն» ունի մեծ պարտքեր և վաղուց աշխատավարձ չի վճարում ֆուտբոլիստներին: Թիմի մի շարք լեգեոնականներ այդ հարցով դիմել են ՖԻՖԱ-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։