Վալերի Գազաևի որդին գլխավորել է «Սիենան»
13:07 25 հունվարի, 2021Ռուսաստանի հավաքականի և Մոսկվայի ԲԿՄԱ-ի նախկին գլխավոր մարզիչ Վալերի Գազաևի որդի Վլադիմիր Գազաևը նշանակվել է իտալական «Սիենայի» գլխավոր մարզիչ, հայտնում է RadioSienaTV-ն:
Այդ պաշտոնում ռուս մասնագետը կփոխարինի Իտալիայի հավաքականի նախկին հարձակվող Ալբերտո Ջիլարդինոյին, որը թիմը գլխավորում էր 2020թ. սեպտեմբերից և զբաղեցրած պաշտոնից հեռացել էր այս ամիս:
«Սիենայի» նախորդ խաղում Վլադիմիր Գազաևին տրիբունայում նկատել են ակումբի մենեջերների հետ:
Գազաևը նախկինում գլխավորել է նաև ռուսական «Ալանիան», «Ուրոժայը», ղազախական «Ակտոբեն», «Տոբոլը» և վրացական «Ռուսթավին»:
Հիշեցնենք, որ «Նոա» հոլդինգը, որը Հայաստանի գործող գավաթակիր և փոխչեմպիոն Երևանի «Նոա» ֆուտբոլային ակումբի հիմնադիրն է, նախորդ տարվա օգոստոսին ձեռք էր բերել «Սիենա» ակումբը, որը հանդես է գալիս Իտալիայի D Սերիայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։