Մադրիդի «Ռեալի» որոշ ֆուտբոլիստների զարմացրել է թիմի գլխավոր մարզիչ Զինեդին Զիդանի արձագանքն Իսպանիայի գավաթի խաղարկության 1/16 եզրափակիչում «Ալկոյանոյից» կրած սենսացիոն պարտությանը (1:2), գրում է Marca-ն:
Խաղացողների համար անակնկալ է եղել, որ ֆրանսիացի մասնագետի թիմին չի քննադատել Իսպանիայի երրորդ դիվիզիոնի ներկայացուցիչից կրած պարտությունից հետո: Նրանք սպասում էին կոշտ արձագանքի, սակայն Զիդանը չի ցանկացել հուզական դրսևորում գրանցել:
Հանդիպումից հետո մարզիչը նշել էր, որ այդ պարտությունը խայտառակություն չէ «Ռեալի» համար:
Հիշեցնենք, որ հանդիպման հիմնական ժամանակն ավարտվել էր 1։1 հաշվով։ Լրացուցիչ ժամանակում «Ալկոյանոն» հաղթանակ էր կորզել 10 խաղացողներով մնալուց հետո:
«Ռեալն» «Ալկոյանոյին» նախորդ անգամ պարտվել էր 70 տարի առաջ՝ 1951 թվականի փետրվարի 4-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։