Լևոն Արոնյան. Վերջին օրերը ամենացավալին էին իմ կյանքում
01:39 12 նոյեմբերի, 2020Հայկական շախմատի առաջատար Լևոն Արոնյանը Speed Chess Championship արագ շախմատի առցանց մրցաշարում տարած հաղթանակը նվիրել է Արցախյան պատերազմի զոհերի հիշատակին:
«Վերջին օրերը ամենացավալին էին իմ կյանքում: Սգում եմ մեր ողջ ազգի հետ միասին ու խոնարհվում մեր զոհվածների և իրենց ընտանիքների առջև: Խոնարհվում եմ նաև մեր կռիվ տված տղերքի առաջ, ովքեր շարունակում են իրենց սուրբ գործը: Աղոթում եմ ու հավատում, որ սա կլինի պատմության մեջ մեր վերջին անհաջողությունը:
Այսօրվա հաղթանակս նվիրում եմ Արցախյան պատերազմի զոհերի հիշատակին: Հավատում եմ, որ սա կլինի մեր ազգի հաղթանակների նոր սկիզբը»,- գրել է հայ գրոմսայստերը:
Հիշեցնենք, որ նոյեմբերի 11-ին Լևոն Արոնյանը հաղթանակով էր մեկնարկել Chess.com կայքում անցկացվող Speed Chess Championship արագ շախմատի առցանց մրցաշարում: 1/8 եզրափակիչում Արոնյանը հաղթել էր ռուս Յան Նեպոմնյաշչիին և դուրս եկել հաջորդ փուլ, որտեղ կմրցի ֆրանսիացի Մաքսիմ Վաշյե-Լագրավի հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.