«Գանձասար-Կապանը» զրկվել է հաջորդ մրցաշրջանում Հայաստանի առաջնության ու Գավաթի խաղարկության մասնակցության իրավունքից

15:49   6 նոյեմբերի, 2020

Հայաստանի ֆուտբոլի ֆեդերացիայի կարգապահական և էթիկայի կոմիտեի հերթական՝ նոյեմբերի 5-ին տեղի ունեցած նիստի ընթացքում որոշում է ընդունվել հաջորդ մրցաշրջանում «Գանձասար-Կապանին» զրկել Հայաստանի առաջնության ու Գավաթի խաղարկության մասնակցության իրավունքից, հայտնում է ՀՖՖ մամուլի ծառայությունը:

«Գանձասար-Կապան» ՖԱ-ն՝ սեփական դիմումի համաձայն, VBET Հայաստանի
Պրեմիեր լիգայի առաջնության ընթացքում հետագա մասնակցությունից
հրաժարվելու համար, ՀՖՖ կարգապահական և էթիկայի կանոնակարգի 33-րդ
հոդվածի 3-րդ կետի համաձայն՝ «Գանձասար-Կապան» թիմին հեռացնել VBET
Հայաստանի Պրեմիեր լիգայի առաջնությունից, ՀՖՖ հովանու ներքո անցկացվող
բոլոր մրցումների խաղերին մասնակցելու իրավունքից զրկել՝ հաջորդ մրցաշրջանում
միայն Առաջին խմբի առաջնությունում հանդես գալու հնարավորությամբ,
«Գանձասար-Կապան» ՖԱ-ին տուգանել 500000 ՀՀ դրամի չափով:

«Գանձասար-Կապան» ՖԱ-ն՝ սեփական դիմումի համաձայն, VBET Հայաստանի
Գավաթի խաղարկության ընթացքում հետագա մասնակցությունից հրաժարվելու
համար, ՀՖՖ կարգապահական և էթիկայի կանոնակարգի 33-րդ հոդվածի 4-րդ կետի
համաձայն՝ «Գանձասար-Կապան» թիմին հեռացնել ԳԽ մրցաշարից, VBET
Հայաստանի Գավաթի խաղարկությունից, հաջորդ մրցաշրջանում Գավաթի
խաղարկության մասնակցության իրավունքից զրկել, «Գանձասար-Կապան» ՖԱ-ին
տուգանել 500000 ՀՀ դրամի չափով:

«Գանձասար-Կապան» ՖԱ-ն՝ սեփական դիմումի համաձայն, VBET Հայաստանի
Պրեմիեր լիգայի առաջնությունից և VBET Գավաթի խաղարկությունից հրաժարվելու
համար, հիմք ընդունելով ՀՖՖ Պրոֆեսիոնալ ֆուտբոլի մրցումների անցկացման
կանոնակարգի 17-րդ հոդվածի 17.06- կետը՝ չեղյալ համարել և զրոյացնել
«Գանձասար-Կապան» թիմի և մրցակից թիմերի կողմից կայացած խաղերի
ընթացքում ձեռք բերված միավորները»,- նշված է որոշման մեջ:

Հիշեցնենք, որ «Գանձասար-Կապանը» պաշտոնապես հայտարարել է ֆուտբոլի Հայաստանի Պրեմիեր լիգայում և գավաթի խաղարկությունում մրցելույթները ժամանակավորապես դադարեցնելու մասին: Այդ մասին ակումբը հայտնել է «Զանգեզուրի Պղնձամոլիբդենային կոմբինատ» բարեգործական հիմնադրամի տնօրեն Զ. Տոնապետյանին ուղղված բաց նամակում:

Նիստի արձանագրությունը կարող եք տեսնել այստեղ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։