Մարիա Գեւորգյան․ Հավաքվեց 200 հազար դրամ, որն ուղղվելու է համահայկական հիմնադրամին
21:14 25 հոկտեմբերի, 2020Գրոսմայստեր Մարիա Գեւորգյանի շախմատային նախաձեռնության արդյունքում 200 հազար դրամ է հանգանակվել։ Այս մասին NEWS.am Sport-ի թղթակցին հայտնեց գրոսմայստերը։
Ազատության հրապարակում ավարտվել է շախմատի Հայաստանի բազմակի չեմպիոն, գրոսմայստեր Մարիա Գեւորգյանի շախմատային նախաձեռնությունը՝ հաջակցություն բանակին։
Շախմատի կանանց Հայաստանի հավաքականի անդամը 6 ժամ միաժամանակյա շախմատ է խաղացել տասնյակ մասնակիցների հետ։
«Նախապես որոշված էր մինչեւ 17:00-ն, բայց այնպես դասավորվեց, որ պարտիաները ձգվեցին։ Մասնակցությունը վճարովի էր, ըստ ցանկության։ Հավաքվեց ուղիղ 200 հազար դրամ, որն ամբողջությամբ ուղղվելու է համահայկական հիմնադրամին՝ հաջակցություն հայոց բանակին։
Հաղթողներ եւ պարտվողներ չունեցանք։ Կարեւորը միասնական գաղափարն էր եւ դրան ուղղված բոլորիս ջանքերն ու աջակցությունը։ Կարծում եմ, մասնակիցները, ինչպես ես, հաճելի ժամանակ անցկացրեցինք։ Շնորհակալ եմ բոլոր մասնակիցներին եւ հետեւողներին»,- ասաց Մարիա Գեւորգյանը։
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.