Եկատերինբուրգի «Ուրալի» նախագահ Գրիգորի Իվանովը մեկնաբանել է Հայաստանի ազգային հավաքականի պաշտպան Վարազդատ Հարոյանից բաժանվելու մասին տեղեկությունը:
«Մենք խզել ենք Վարազդատ Հարոյանի հետ պայմանագիրը: Հասկացեք, ֆուտբոլիստն այն տարիքում է, որ նրան անհրաժեշտ է խաղալ: Մեզ մոտ նա քիչ խաղաժամանակ էր ստանում վերջին շրջանում:
Վարազդատը որոշեց հեռանալ, և մենք չխոչընդոտեցինք դրան: Նա շատ պարկեշտ մարդ է ու շատ բան է արել «Ուրալի» համար»,- Գրիգորի Իվանովի խոսքը մեջբերում է Sport24-ը:
Հիշեցնենք, որ 28-ամյա Հարոյանը 2017 թվականից էր խաղում «Ուրալում», որի կազմում անցկացրել է 62 հանդիպում, դարձել 3 գոլի ու 2 գոլային փոխանցման հեղինակ: Ավելի վաղ լուրեր էին շրջանառվում, որ նրա ծառայություններով հետաքրքրված են ռուսական ակումբներ ու Լեհաստանի առաջնության թիմերից մեկը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։