Լուկա Դոնչիչի պատմական ռեկորդը
17:10 17 սեպտեմբերի, 2020«Դալասի» սլովենացի պաշտպան Լուկա Դոնչիչը դարձել է Բասկետբոլի ազգային ասոցիացիայի (NBA) պատմության ամենաերիտասարդ բասկետբոլիստը, որն ընդգրկվում է մրցաշրջանի առաջին խորհրդանշական հավաքականում:
Բացի այդ, 21-ամյա Դոնչիչը 21-րդ դարում առաջինն է, որը մրցաշրջանի խորհրդանշական հավաքականներում տեղ է գտնում NBA-ում անցկացրած առաջին կամ երկրորդ մրցաշրջանից հետո: Նախորդ անգամ նման ցուցանիշ 1999-ին գրանցել էր «Սան Անտոնիոյի» լեգենդար բասկետբոլիստ Թիմ Դանկանը, հայտնում է ESPN-ը:
Հիշեցնենք, որ NBA-ի 2019/2020 մրցաշրջանի առաջին խորհրդանշական հավաքականում տեղ էին գտել նաև Լեբրոն Ջեյմսը («Լեյքերս»), Յանիս Ադետոկունբոն («Միլուոկի»), Էնթոնի Դևիսը («Լեյքերս») և Ջեյմս Հարդենը («Հյուսթոն»):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։