ԿԳՄՍ նախարարությունը հաստատել է, որ ԱԻԲԱ-ից ստացել է Հայաստանի բռնցքամարտի ֆեդերացիայի (ՀԲՖ) ընտրությունները չհաստատելու մասին գրություն, հաղորդում է Բռնցքամարտի հայկական ազգային ֆեդերացիայի (ԲՀԱՖ) մամուլի ծառայությունը։
«Հուլիսի 27-ին ԱԻԲԱ-ից ստացվել էր գրություն, որտեղ, մասնավորապես, նշվում էր, որ բռնցքամարտի միջազգային կառույցը չի հաստատում օգոստոսի 3-ին նախատեսված Հայաստանի բռնցքամարտի ֆեդերացիայի նախագահի ընտրությունները:
Դրանից հետո ֆեդերցացիան և ֆեդերացիայի հրաժարական տված նախագահ Արթուր Գևորգյանը հանդես էին եկել հայտարարությամբ, որ դա ապատեղեկատվություն է, և ընտրությունները կկայանան օգոստոսի 3-ին: Հուլիսի 28-ին այդ նամակի հասցեատերերից ԿԳՄՍ նախարարությունը, մասնավորապես, Հասարակայնության հետ կապերի և տեղեկատվության վարչությունը, հաստատել է, որ ստացել են նման նամակ և այն ուղարկել են Հայաստանի բռնցքամարտի ֆեդերացիային ի գիտություն»,- նշվում է ԲՀԱՖ-ի հաղորդագրությունում։
Արթուր Գեւորգյանը NEWS.am Sport-ի թղթակցի հետ զրույցում եւս հայտնել էր, որ ստացել է այդ նամակը ԱԻԲԱ-ից, բոլոր հարցերին պարզաբանումներով պատասխանել է միջազգային ֆեդերացիային, եւ ընտրությունը տեղի է ունենալու։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։