Սաուդյան Արաբիայի թագաժառանգ Մոհամադ բին Սալմանի ներդրումային հիմնադրամն ավարտել է Անգլիայի Պրեմյեր լիգան ներկայացնող «Նյուքասլ Յունայթեդ» ֆուտբոլային ակումբի գնման գործընթացը: Գործարքի մասին պաշտոնապես կհայտարարվի առաջիկա օրերին:
FootballBible-ի հաղորդմամբ՝ 34-ամյա թագաժառանգը «Նյուքասլի» ձեռքբերման համար կվճարի 300 միլիոն բրիտանական ֆունտ:
Մոհամադ բին Սալմանը մտադիր է «Նյուքասլը» դարձնել Անգլիայի առաջատար ակումբներից մեկը և պատրաստվում է խոշոր ներդրումներ կատարել ակումբում՝ ձեռք բերելով աշխարհի լավագույն ֆուտբոլիստներին:
Նշվում է, որ Մոհամադ բին Սալմանի ընտանիքի կարողությունն ավելի մեծ է, քան Պրեմյեր լիգայի մյուս բոլոր թիմերի սեփականատերերինը միասին:
Ավելի վաղ տեղեկացրել ենք, որ «Նյուքասլի» նոր սեփականատերը ցանկանում է ակումբի գլխավոր մարզիչի պաշտոնում տեսնել Թուրինի «Յուվենտուսի» նախկին գլխավոր մարզիչ Մասիմիլիանո Ալեգրիին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։