Խառը մենամարտերի ամերիկացի մարզիկ Տոնի Ֆերգյուսոնը Թվիթերի իր պաշտոնական էջում անդրադարձել է Խաբիբ Նուրմագոմեդովի հետ մենամարտի չեղարկման հնարավորությանը:
«Ապրիլի 18-ն այդքան մոտ էր, իսկ դու նախընտրեցիր թաքնվել Ռուսաստանում: Նույնիսկ տեղաշարժման հետ կապված արգելքներն ինձ չեն խանգարի քո վերջը տալ: Արդարացում մի փնտրիր»,- գրել է Ֆերգյուսոնը:
Ավելի վաղ Խաբիբ Նուրմագոմեդովը հայտարարել էր, որ կորոնավիրուսի պանդեմիայի պատճառով Ռուսաստանում հայտարարված կարանտինի պատճառով չի կարող լքել երկիրը և մասնակցել մենամարտին:
Հիշեցնենք, որ Խաբիբ Նուրմագոմեդովի և Տոնի Ֆերգյուսոնի մենամարտը նախատեսված է անցկացնել ապրիլի 18-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։