Նոյերը 5 տարվա պայմանագիր է պահանջում «Բավարիայից»
13:10 30 մարտի, 2020Մյունխենի «Բավարիայի» և Գերմանիայի ազգային հավաքականի դարպասապահ Մանուել Նոյերը նոր պայմանագրի հարցում չի կարողանում համաձայնության գալ Գերմանիայի չեմպիոնի հետ:
Bild-ի տեղեկություններով՝ 34-ամյա դարպասապահը մյունխենյան ակումբի հետ ցանկանում է կնքել 5 տարվա պայմանագիր, սակայն «Բավարիան» պատրաստ է առավելագույնը 3 տարվա պայմանագիր առաջարկել Նոյերին: «Բավարիայի» և Նոյերի բանակցություններն այժմ դադարեցված են:
Մանուել Նոյերի պայմանագիրը «Բավարիայի» հետ նախատեսված է մինչև 2021 թվականի հունիս:
Ավելի վաղ հայտնի էր դարձել, որ Նոյերի ծառայություններով հետաքրքրված է Լոնդոնի «Չելսին»:
Ընթացիկ մրցաշրջանում Նոյերը մասնակցել է 37 հանդիպման, բայց թողել 38 գոլ, 15 խաղում անառիկ պահել դարպասը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։