Թուրքիան առաջարկել է ընդունել Եվրո-2020-ը
09:13 17 մարտի, 2020Թուրքիան ՈւԵՖԱ-ի ղեկավարությանն առաջարկել է ֆուտբոլի Եվրոպայի առաջնությունն անցկացնել Թուրքիայի ստադիոններում, տեղեկացնում է AS-ը:
Թուրքիայի ֆուտբոլի ֆեդերացիայի ղեկավարությունը հույս ունի, որ ՈւԵՖԱ-ի նախագահ Ալեքսանդր Չեֆերինի և Թուրքիայի նախագահ Ռեջեփ Թայիփ Էրդողանի մտերիմ հարաբերությունները կարող են վճռորոշ դեր ունենալ Եվրո-2020-ը Թուրքիայում անցկացնելու հարցում:
Թուրքիայի ֆուտբոլի ֆեդերացիան պնդում է, որ ազգային հավաքականների ֆուտբոլիստների առողջությանը Թուրքիայում որևէ վտանգ չի սպառնա, քանի որ երկրում կորոնավիրուսով վարակված մարդկանց թիվը չի գերազանցում 10-ը:
Ավելի վաղ հայտնի էր դարձել, որ ՈւԵՖԱ-ն դիտարկում է Եվրո-2020-ը դեկտեմբերին անցկացնելու տարբերակը, որը հնարավորություն կտա ամռանն ավարտել եվրոպական երկրներում կորոնավիրուսի պանդեմիայի պատճառով դադարեցված ֆուտբոլային առաջնությունները:
Հիշեցնենք, որ կորոնավիրուսի պանդեմիայի պատճառով եվրոպական բոլոր երկրներում դադարեցված են ֆուտբոլային առաջնությունները:
Եվրո-2020-ը նախատեսված է անցկացնել հունիսի 12-ից հուլիսի 12-ը Եվրոպայի 12 քաղաքում: Մրցաշարի բացման արարողությունը նախատեսված է անցկացնել Հռոմի «Օլիմպիկո» ստադիոնում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.