Լոնդոնում ընթացող բռնցքամարտի օլիմպիական վարկանիշային մրցաշարում 52 կգ քաշային կարգում Կորյուն Սողոմոնյանը ևս մեկնարկեց հաղթանակով:
Կորյուն Սողոմոնյանը միավորների առավելությամբ հաղթանակ տարավ Իսրայելը ներկայացնող Դավիդ Ալավերդյանի նկատմամբ և նվաճեց օլիմպիական ուղեգիր:
Երեկոյան մրցահերթում ռինգ դուրս կգան նաև 57 կգ քաշային Արթուր Բազեյանը և 69 կգ քաշային Գուրգեն Մադոյանը: Հաղթելու դեպքում Արթուր Բազեյանը ևս կապահովի օլիմպիական ուղեգիր:
Լոնդոնի մրցաշարին թիմի կազմում չի ընդգրկվել Եվրոպայի գործող չեմպիոն, 52 կգ քաշային Արթուր Հովհաննիսյանը, քանի որ ՀԱՕԿ-ի կողմից անցկացված «Կաշվե ձեռնոց» մրցաշարում Արթուր Հովհաննիսյանը պարտվել էր կիսաեզրափակիչում:
Ավելի վաղ տեղեկացրել ենք, որ մրցումային երրորդ օրվա մենամարտերից հետո վարկանիշային մրցաշարը դադարեցվելու է և շարունակվելու է մայիսից ոչ շուտ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։