«Յուվենտուսը» հաղթեց «Ինտերին» (ֆոտո, վիդեո)

Իտալիայի առաջնության 26-րդ տուրի խաղում չեմպիոն «Յուվենտուսը» Թուրինում ընդունեց Միլանի «Ինտերին»։

Առաջին խաղակեսում դարպասի գրավում չգրանցվեց։ Ընդմիջումից հետո իտալացի Մաուրիցիո Սարիի գլխավորած թիմը կարողացավ բացել հաշիվը։ 54-րդ րոպեին ուելսցի կիսապաշտպան Աարոն Ռեմսին պորտուգալացի հարձակվող Կրիշտիանու Ռոնալդուի փոխանցումից հետո գրավեց սլովենացի Սամիր Հանդանովիչի պաշտպանած դարպասը։ Ռոնալդուն 1000-րդ հանդիպումն անցկացրեց պրոֆեսիոնալ կարիերայում։

67-րդ րոպեին թուրինյան թիմի առավելությունը կրկնապատկեց արգենտինացի հարձակվող Պաուլո Դիբալան, որը փոխարինման էր դուրս եկել 59-րդ րոպեին։ Գոլային փոխանցումը կատարեց Ռեմսին։

79-րդ րոպեին ոչ մարզական վարքի համար կարմիր քարտ ստացավ «Ինտերի» պահեստային դարպասապահ, իտալացի Դանիելե Պադելի։

Նոր կորոնավիրուսի տարածման պատճառով հանդիպումն անցավ առանց հանդիսականների։ Իտալիայի կառավարության որոշմամբ՝ մինչեւ ապրիլի 3-ը բոլոր մարզական միջոցառումները երկրում փակ կլինեն երկրպագուների համար։

«Յուվենտուսը» 63 միավորով բարձրացավ առաջին տեղ եւ 1 միավորի առավելություն ունի երկրորդ տեղում գտնվող Հռոմի «Լացիոյի» նկատմամբ։ «Ինտերը» երրորդն է․25 խաղում վաստակել է 54 միավոր։

Իտալիայի առաջնություն, 26-րդ տուր

«Յուվենտուս» - «Ինտեր»՝ 2։0 (տեսանյութ)

Աարոն Ռեմսի, 54, Պաուլո Դիբալա, 67

Հեռացում՝ դարպասապահ Դանիելե Պադելի («Ինտեր», պահեստային), 79

Superata la mezz'ora di gioco.
Il Derby d'Italia è sullo zero a zero
#JuveInter pic.twitter.com/jEym1Pkz4z

— JuventusFC (@juventusfc) March 8, 2020

68' | | UN GOL ME-RA-VI-GLIO-SO della JOYAAAAA @PauDybala_JR , MAMMA MIAAAA!

Powered by @officialpes #JuveInter [2-0] #ForzaJuve pic.twitter.com/avYXSQg9mk

— JuventusFC (@juventusfc) March 8, 2020