Նուրմագոմեդով. Չեմ վախենում Ֆերգյուսոնի հարվածներից
17:40 4 փետրվարի, 2020Խառը մենամարտերի թեթև քաշային կարգի չեմպիոն ռուսաստանցի Խաբիբ Նուրմագոմեդովը խոսել է առաջիկա մենամարտում իր մրցակից ամերիկացի Տոնի Ֆերգյուսոնի մասին:
«Մենամարտերից առաջ ես ուսումնասիրում եմ իմ մրցակիցներին և ուշադրություն դարձնում նրանց ուժեղ կողմերի վրա: Ֆերգյուսոնն իր մրցակիցներին հաղթել է ուժեղ և դիպուկ հարվածների շնորհիվ, սակայն ես չեմ վախենում դրանցից:
Այնուամենայնիվ, Ֆերգյուսոնը հրաշալի մարզիկ է, և ես կանեմ ամեն ինչ, որպեսզի արժանի հաղթանակ տանեմ նրա նկատմամբ»,- Նուրմագոմեդովի խոսքը փոխանցում է Sport Express-ը:
Նուրմագոմեդովն իր վերջին մենամարտն անցկացրել է նախորդ տարվա սեպտեմբերին: Ռուսաստանցի մարզիկն ամերիկացի Դասթին Պորյեի հետ մենամարտում պաշտպանել էր չեմպիոնական տիտղոսը:
Խաբիբ Նուրմագոմեդովի և Տոնի Ֆերգյուսոնի մենամարտը տեղի կունենա ապրիլի 18-ին: Հաղթողը հնարավորություն կստանա մենամարտել իռլանդացի Քոնոր Մաքգրեգորի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։