Սուլշեր. «Մանչեսթեր Յունայթեդին» 2 կամ 3 ձեռքբերում է հարկավոր
21:47 13 դեկտեմբերի, 2019Անգլիական «Մանչեսթեր Յունայթեդի» գլխավոր մարզիչ Ուլե-Գունար Սուլշերը հայտարարել է, որ մանչեսթերյան ակումբը պատրաստվում է ձմեռային տրանսֆերային պատուհանի ընթացքում ուժեղացնել թիմի կազմը:
«Եթե «Մանչեսթեր Յունայթեդի» կազմը համեմատենք այլ թիմերի կազմերի հետ, ապա կնկատենք, որ մենք այնքան էլ թույլ չենք, սակայն կարծում եմ, որ մեզ, այնուամենայնիվ, 2 կամ 3 ձեռքբերում է հարկավոր:
Մրցաշրջանի կարևորագույն հատվածն առջևում է, և մենք պետք է հաճախ փոփոխություններ կատարենք թիմի մեկնարկային կազմում»,- Սուլշերի խոսքը փոխանցում է Goal.com-ը:
Ավելի վաղ տեղեկացրել ենք, որ «Մանչեսթեր Յունայթեդը» պատրաստ է շուրջ 90 միլիոն եվրո տրամադրել «ՌԲ Զալցբուրգի» 19-ամյա հարձակվող Էրլինգ Հոլանդի տրանսֆերային իրավունքը ձեռք բերելու նպատակով:
«Մանչեսթեր Յունայթեդը» հետաքրքրված է նաև Մադրիդի «Աթլետիոկյի» իսպանացի կիսապաշտպան Սաուլ Նիգեսի ծառայություններով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։