«Չելսին» հունվարին 150 միլիոն եվրո կծախսի տրանսֆերների վրա
10:19 7 դեկտեմբերի, 2019Լոնդոնի «Չելսիի» ղեկավարությունը ձմեռային տրանսֆերային պատուհանի ընթացքում թիմի կազմն ուժեղացնելու նպատակով պատրաստ է ծախսել շուրջ 150 միլիոն եվրո, տեղեկացնում է The Telegraph-ը:
Ֆրենկ Լեմպարդի գլխավորած մարզչական շտաբի կազմած ցուցակում ընդգրկվել են ֆրանսիական «Լիոնի» հարձակվող Մուսա Դեմբելեն, Դորտմունդի «Բորուսիայի» կիսապաշտպան Ջեյդոն Սանչոն և անգլիական «Քրիսթալ Փելասի» կիսապաշտպան Ուիլֆրիդ Զահան:
Ավելի վաղ տեղեկացրել ենք, որ Լոզանի մարզական արբիտրաժային դատարանը բավարարել է «Չելսիի» բողոքարկումը՝ կրճատելով ՖԻՖԱ-ի կողմից «Չելսիի» նկատմամբ կիրառված պատժամիջոցները:
ՖԻՖԱ-ն փետրվարին «Չելսիի» երիտասարդ ֆուտբոլիստների տեղափոխության գործարքներում կեղծիքներ էր հայտնաբերել և զրկել էր լոնդոնյան ակումբին 2 տրանսֆերային պատուհանների ընթացքում ֆուտբոլիստներ ձեռք բերելու հնարավորությունից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։