Լոնդոնի «Չելսիի» գլխավոր մարզիչ Ֆրենկ Լեմպարդը Անգլիական Լիգայի գավաթի երկրորդ շրջանի՝ «Մանչեսթեր Յունայթեդի» հետ հանդիպումից հետո հայտարարել է, որ իր գլխավորած թիմը նպատակ ունի չեմպիոն դառնալ Պրեմիեր լիգայում և Չեմպիոնների լիգայում:
«Մենք ցավալի պարտություն կրեցինք և չպետք է կրկնենք այն սխալները, որոնք գործեցինք «Մանչեսթեր Յունայթեդի» հետ խաղում:
«Չելսիի» խաղում ամեն օր առաջընթաց եմ նկատում և վստահ եմ, որ մենք մեծ հաջողությունների ենք հասնելու:
Անգլիայի առաջնությունում և Չեմպիոնների լիգայում հաղթանակներն այս մրցաշրջանում մեր առաջնահերթություններն են»,- Լեմպարդի խոսքը մեջբերում է լոնդոնյան ակումբի պաշտոնական կայքը:
Հիշեցնենք, որ «Չելսին» 1:2 հաշվով պարտվեց «Մանչեսթեր Յունայթեդին» և դուրս մնաց Անգլիական Լիգայի գավաթի խաղարկությունից:
Պրեմիեր լիգայի մրցաշարային աղյուսակում «Չելսին» 20 միավորով չորրորդ տեղում է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։