Ֆրանսիայի չեմպիոն ՊՍԺ-ի և Բրազիլիայի ազգային հավաքականի հարձակվող Նեյմարը մոտ է կատալոնական «Բարսելոնա» վերադառնալուն:
L'Equipe-ի հաղորդմամբ՝ ՊՍԺ-ի ղեկավարությունը հակված է ընդունել «Բարսելոնայի» պաշտոնական առաջարկը, որով կատալոնացիներն առաջարկում են ընթացիկ մրցաշրջանում վարձակալել Նեյմարին, իսկ մրցաշրջանի ավարտին ձեռք բերել 27-ամյա հարձակվողի տրանսֆերային իրավունքները:
ՊՍԺ-ն կհաստատի Նեյմարի տեղափոխությունը միայն այն դեպքում, եթե «Բարսելոնան» երաշխավորի, որ մրցաշրջանի ավարտին չի հրաժարվի բրազիլացի հարձակվողի ձեռքբերումից:
ՊՍԺ-ն համաձայնության է եկել նաև Նեյմարին փոխարինողի հարցում: Թոմաս Տուխելի թիմի հետ պայմանագիր կկնքի Իտալիայի չեմպիոն «Յուվենտուսի» արգենտինացի հարձակվող Պաուլո Դիբալան:
Ավելի վաղ հայտնի էր դարձել, որ Նեյմարի տեղափոխությամբ հետաքրքրված է նաև Թուրինի «Յուվենտուսը»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։