Պելեգրինի․ Երբ «Մանչեսթեր Սիթիին» տալիս ես տարածություն եւ ժամանակ, անմիջապես պատժվում ես

Լոնդոնի «Վեստ Հեմի» գլխավոր մարզիչ Մանուել Պելեգրինին մեկնաբանել է Անգլիայի առաջնության մեկնարկային տուրում չեմպիոն «Մանչեսթեր Սիթիից» կրած 0։5 հաշվով տնային պարտությունը։

«Գիտեինք, որ բարդ է լինելում։ Դժվար է որեւէ բան ասել այս հաշվով պարտությունից հետո։ Չեմ կարծում, որ հաշիվն արտացոլում տարբերությունը թիմերի միջեւ։

Եղան առանցքային պահեր, որոնց հետեւանքով այսքան գոլ բաց թողեցինք։ Երբ այս մակարդակի մրցակցին տալիս ես տարածություն եւ ժամանակ, անմիջապես պատժվում ես։

Պետք է թիմային խաղ ցուցադրենք։ Այս պարտությունից էլ կարելի է օգուտ քաղել։ Պրեմյեր լիգան ամենաբարդ մրցաշարն է։ Հնարավոր է՝ մենք կարող ենք խաղալ ավելի ագրեսիվ։ Մրցակիցը կատարել է 13 խախտում, մենք՝ 5»,- չիլիացի մասնագետի խոսքը մեջբերում է  BBC-ն։

Մանուել Պելեգրինին «Մանչեսթեր Սիթին» գլխավորել է 2013-2016 թվականներին՝ նվաճելով 2014թ․ Անգլիայի չեմպիոնի տիտղոսը։