Եվրո-2020․ Թուրքիային պատժելու պահանջ՝ Ֆրանսիայի հիմնի ժամանակ սուլելու համար
22:50 9 հունիսի, 2019Ֆրանսիայի «Ազգային միավորում» կուսակցության առաջնորդ, այդ երկրի նախագահի նախկին թեկնածու Մարին Լե Պենը ՖԻՖԱ-ից պահանջել է պատժամիջոցներ կիրառել Թուրքիայի ֆուտբոլի ֆեդերացիայի նկատմամբ Եվրոպայի առաջնության ընտրական մրցաշարի երրորդ տուրի Թուրքիա – Ֆրանսիա հանդիպումից առաջ, ֆրանսիական հիմնի ժամանակ թուրք ֆանատների սուլոցների համար։
«Ազգային հիմնի ժամանակ սուլելը խայտառակություն է, հակասում է արդար խաղի արժեքներին»,- Թվիթերում գրել է Լե Պենը։
Միջադեպին արձագանքել է նաեւ պաշտոնական Փարիզը։
«Նախագահ Էմանուել Մակրոնն անհանգստացած է այն փաստով, որ Թուրքիայում սուլել են Ֆրանսիայի հիմնի ժամանակ։ Նա անընդունելի է համարում տեղի ունեցածը»,- ասվում է Ելիսեյան պալատի հայտարարությունում։
Հիշեցնենք, որ Ֆրանսիայի հավաքականը Թուրքիայում պարտվել է 0։2 հաշվով։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։