Անգլիական «Լիվերպուլը» 14 տարվա դադարից հետո դարձյալ նվաճեց եվրոպական Չեմպիոնների լիգայի գավաթը։ Մադրիդի «Աթլետիկոյի» «Վանդա Մետրոպոլիտանո» ստադիոնում տեղի ունեցած «անգլիական» եզրափակիչում գերմանացի Յուրգեն Կլոպի գլխավորած թիմը 2։0 հաշվով առավելության հասավ արգենտինացի Մաուրիսիո Պոչետինոյի գլխավորած լոնդոնյան «Տոտենհեմին»։
Հանդիպման հաշիվը բացվեց արդեն երկրորդ րոպեին։ «Լիվերպուլի» սենեգալցի հարձակվող Սադիո Մանեն փոխանցում կատարեց մրցակցի տուգանային հրապարակ, որտեղ ձեռքով խաղաց լոնդոնցիների ֆրանսիացի կիսապաշտպան Մուսա Սիսոկոն։
42-ամյա սլովենացի մրցավար Դամիր Սկոմինան նշանակեց 11 մետրանոց, որը դիպուկ իրացրեց եգիպտացի հարձակվող Մոհամեդ Սալահը՝ գրավելով աշխարհի չեմպիոն Ֆրանսիայի հավաքականի դարպասապահ Ուգո Լյորիսի պաշտպանած դարպասը։ Սալահի գոլը երկրորդ ամենաարագն է Չեմպիոնների լիգայի պատմության մեջ։
18-րդ րոպեին գլխավոր մրցավարը ստիպված էր մոտ երկու րոպեով ընդհատել հանդիպումը, մինչեւ անվտանգության աշխատակիցները կհեռացնեին խաղադաշտ ներխուժած կիսամերկ մի կնոջ։
Երկրորդ խաղակեսի հիմնական մասն անցավ առանց իրական գոլային պահերի։ Վերջնամասում պայքարի մեջ սրություն մտցրեց «Տոտենհեմը»։ 85-րդ րոպեին դանիացի կիսապաշտպան Կրիստիան Էրիքսենի իրացրած տուգանային հարվածից հետո լիվերպուլցիների բրազիլացի դարպասապահ Ալիսոն Բեքերն աչքի ընկավ գեղեցիկ սեյվով։
Սակայն 87-րդ րոպեին «Լիվերպուլը» կարողացավ կրկնապատկել հաշիվը։ Անկյունային հարվածից հետո «Տոտենհեմի» խաղացողները չկարողացան հեռացնել գնդակը եւ երկրորդ տեմպով գրոհը գոլով ավարտեց փոխարինման դուրս եկած բելգիացի հարձակվող Դիվոկ Օրիգին։
«Լիվերպուլը» Չեմպիոնների լիգայի գավաթը նվաճել է նաեւ 1977, 1978, 1981, 1984, 2005 թվականներին, երեք անգամ պարտվել է եզրափակիչներում (1985, 2007, 2018)։ Ավելի շատ այս գավաթը նվաճել են Մադրիդի «Ռեալը» (13) եւ «Միլանը» (7)։ «Տոտենհեմն» առաջին անգամ էր հասել այս մրցաշարի եզրափակիչ։
Չեմպիոնների լիգա, եզրափակիչ
«Տոտենհեմ» (Անգլիա) - «Լիվերպուլ» (Անգլիա)՝ 0։2 (տեսանյութ)
Մոհամեդ Սալահ, 2, 11մ, Դիվոկ Օրիգի, 87
GOOOOOOOOOOOOOOOOOOOOALLLLLLLLLLLLLLLLLL!!!!!!!!!!!!
— Liverpool FC (@LFC) June 1, 2019
ORIGIIIIIIIIIIIIIIIIIIIII!!!!!!!!!!!!!!!!!! pic.twitter.com/NeTDaB6FGl
The first time Liverpool have been in front in a final since 1984.
— UEFA Champions League (@ChampionsLeague) June 1, 2019
Who's scoring next?#UCLfinal pic.twitter.com/ST10kdPu9t
#UCLFinal19 #UCLFinal2019 #ChampionsLeague2019 pitch invader pic.twitter.com/emV6TuIsG4
— george (@george_millwall) June 1, 2019
Tonight’s pitch invader! Should have let her run all night #UCLFinal #ChampionsLeageFinal2019 pic.twitter.com/oMbeedaror
— Turtle (@TurtlesTweets_) June 1, 2019
Divock Origi
— UEFA Champions League (@ChampionsLeague) June 1, 2019
Semi-final hero #UCLfinal hero pic.twitter.com/2EETtC2U2k
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։