Ֆուտբոլի Հայաստանի չեմպիոն Երեւանի «Ալաշկերտը» երկարաժամկետ պայմանագիր է կնքել բրազիլացի հենակետային կիսապաշտպան Օդաիլսոն Սիլվա Կոստա Ֆիլյոյի հետ:
20-ամյա կիսապաշտպանը «Ալաշկերտի» բրազիլական գործընկեր-ակումբ «Ֆլումինենսեի» սան է, հանդես է եկել հանրահայտ «Գրեմիոյի» երիտասարդական թիմում, այնուհետեւ վարձավճարով խաղացել է «Դեսպորտիվո Բրազիլիա» եւ «Ֆերովիարիա» թիմերում, հաղորդում է հայկական ակումբի մամուլիծառայությունը:
«Տեղափոխությունս «Ալաշկերտ» նոր մարտահրավեր է ինձ համար: Ցանկանում եմ հնարավորինս օգնել նոր թիմիս եւ առաջընթաց գրանցել»,- պայմանագրի ստորագրումից հետո նշեց Օդաիլսոնը:
Օդաիլսոնը հաջող փորձաշրջան անցավ «Ալաշկերտի» կազմում Բելեկում կայացած առաջին ուսումնամարզական հավաքի ընթացքում:
Հետևեք NEWS.am SPORT-ին Facebook-ում, Twitter և Telegram-ում