Շախմատի Gibraltar Masters մրցաշարի 7-րդ տուրում Լեւոն Արոնյանը սպիտակներով մրցեց անգլիացի գրոսմայստեր Նայջել Շորթի հետ: Հայկական շախմատի առաջատարն առավելության հասավ 39 քայլում եւ վաստակեց 5.5 միավոր: Նա ընթացիկ առաջատար, ամերիկացի Հիկարու Նակամուրայից հետ է կես միավոր:
Հիշեցնենք, որ շվեյցարական մրցակարգով (10 տուր) անցկացվող մրցաշարին մասնակցում են 50 երկրների 274 շախմատիստներ, այդ թվում՝ 92 գրոսմայստեր: Մասնակիցների մեջ Լեւոն Արոնյանն ունի ամենաբարձր վարկանիշը:
Մրցաշարի հաղթողը կստանա 25 հազար ֆունտ ստերլինգ, երկրորդ մրցանակակիրը՝ 20 հազար, իսկ բրոնզե մեդալակիրը՝ 15 հազար: Պարտիաները մեկնարկում են Երեւանի ժամանակով 18:00-ին, իսկ վերջին տուրը՝ 14:00-ին:
Ֆոտո՝ Tradewise Chess @GibraltarChess
Հետևեք NEWS.am SPORT-ին Facebook-ում, Twitter և Telegram-ում