Ջիբրալթարում ընթացող Gibraltar Masters մրցաշարի 6-րդ տուրում հայկական շախմատի առաջատար Լեւոն Արոնյանը սեւերով հաղթեց հնդիկ Շարդուլ Գագարեին: Պարտիան ավարտվեց 47-րդ քայլում:
4.5 միավոր հավաքած Լեւոն Արոնյանը երրորդ հաղթանակը տարավ մրցաշարում, որում 3 պարտիա էլ ավարտել է ոչ ոքի:
Կանանց Հայաստանի հավաքականի շախմատիստ Լիլիթ Մկրտչյանը սպիտակներով հաղթեց հնդիկ Բաբու Լալիթին եւ վաստակեց 4 միավոր:
Հիշեցնենք, որ շվեյցարական մրցակարգով (10 տուր) անցկացվող մրցաշարին մասնակցում են 50 երկրների 274 շախմատիստներ, այդ թվում՝ 92 գրոսմայստեր: Մասնակիցների մեջ Լեւոն Արոնյանն ունի ամենաբարձր վարկանիշը:
7-րդ տուրի զույգերը դեռ հայտնի չեն:
Մրցաշարի հաղթողը կստանա 25 հազար ֆունտ ստերլինգ, երկրորդ մրցանակակիրը՝ 20 հազար, իսկ բրոնզե մեդալակիրը՝ 15 հազար: Պարտիաները մեկնարկում են Երեւանի ժամանակով 18:00-ին, իսկ վերջին տուրը՝ 14:00-ին, հայտնում է մրցաշարի կայքը:
Հետևեք NEWS.am SPORT-ին Facebook-ում, Twitter և Telegram-ում