Հունաստանում ընթացող շախմատի Եվրոպայի թիմային առաջնության 6-րդ տուրում Հայաստանի հավաքականը կմրցի Ադրբեջանի թիմի հետ:
5-րդ տուրից հետո Հայաստանի հավաքականը վաստակել է 8 միավոր եւ Հունգարիայի, Ռուսաստանի, Լեհաստանի հետ բաժանում է 2-5-րդ տեղերը: Առաջինը Խորվաթիան է՝ 9 միավոր: Ադրբեջանի հավաքականը վաստակել է 7 միավոր:
Կանանց Հայաստանի հավաքականը 6-րդ տուրում կմրցի հունգարացիների հետ: Երկու թիմերն էլ վաստակել են 6 միավոր:
Նոյեմբերի 2-ին Եվրոպայի առաջնությունում հանգստյան օր է: 6-րդ տուրը կանցկացվի նոյեմբերի 3-ին:
Հետևեք NEWS.am SPORT-ին Facebook-ում, Twitter և Telegram-ում