Անգլիայի չեմպիոն Լոնդոնի «Չելսիի» նորեկ, Մադրիդի «Ռեալից» տեղափոխված իսպանացի հարձակվող Ալվարո Մորատան խաղային համարը ստանալուց հետո պատմել է սպասումների մասին:
«Գիտեմ, որ Կոնտեն նախկինում էլ շատ է ցանկացել տեսնել ինձ իր գլխավորած թիմում: Ես նույնպես ցանկանում եմ աշխատել նրա հետ: Գիտեմ նրա աշխատանքի ոճը: Նա միշտ հենվում է մարտավարության վրա: Ես հավանում եմ այդպիսի ֆուտբոլ եւ գիտեմ՝ ինչպես խաղալ այդ սխեմայում:
Հեշտ չէր Մադրիդից հեռանալը, բայց դա այդքան էլ ծանր չէ, եթե տեղափոխվում ես «Չելսիի» նման ակումբ: Կարծում եմ, որ այսպիսի մարզիչի եւ թիմակիցների հետ կարող ենք խաղալ «Ռեալի» ու «Բարսելոնայի» դեմ եւ հաղթել»,- Մորատայի խոսքը մեջբերում է «Չելսիի» կայքը:
Իսպանիայի հավաքականի հարձակվողը նոր թիմում ստացել է 9 համարի մարզաշապիկը: Այդ համարով «Չելսիում» 2011-2014-ին հանդես է եկել իսպանացի Ֆերնանդո Տորեսը, հետո կոլումբացի Ռադամել Ֆալկաոն:
Հետևեք NEWS.am SPORT-ին Facebook-ում, Twitter և Telegram-ում
00:57 , 2 մայիսի 
23:51 , 1 մայիսի 
23:09 , 1 մայիսի 
22:03 , 1 մայիսի 
21:06 , 1 մայիսի 
20:03 , 1 մայիսի 
19:14 , 1 մայիսի 
18:08 , 1 մայիսի 
17:11 , 1 մայիսի 
16:18 , 1 մայիսի 
