Իտալացի Մինո Ռայոլան դարձել է ՊՍԺ-ի եւ Իտալիայի հավաքականի կիսապաշտպան Մարկո Վերատիի գործակալը:
«Ցանկանում եմ հայտնել, որ այսուհետեւ իմ շահերը ներկայացնող միակ գործակալը կլինի Մինո Ռայոլան: Շնորհակալ եմ պարոն Դոնատո Դի Կամպլին գերազանց աշխատանքի համար: Ցանկանում եմ նշել, որ իմ հարգանքը նրա նկատմամբ չի փոխվել»,- գրել է Վերատին Ինստագրամում:
24-ամյա ֆուտբոլիստը դժգոհ էր մնացել Դի Կամպլի հայտարարությունից, թե ինքը «փարիզյան ակումբի էմիրի գերին է»: Վերատին ներողություն էր խնդրել իր գործակալի հայտարարության համար:
Ռայոլան Հենրիխ Մխիթարյանի, Պոլ Պոգբայի, Ռոմելու Լուկակուի, Մարիո Բալոտելիի, Ջանլուիջի Դոնարումայի, Զլատան Իբրահիմովիչի գործակալն է:
Հետևեք NEWS.am SPORT-ին Facebook-ում, Twitter և Telegram-ում