«Մանչեսթեր Յունայթեդը» 32 միլիոն ֆունտ է առաջարկել 19-ամյա բրազիլացու համար

Բրազիլիայի ազգային հավաքականի եւ «Սան Պաուլուի» կիսապաշտպան Լուկաս Սիլվան դարձել է անգլիական «Մանչեսթեր Յունայթեդը» գլխավոր տրանսֆերային նպատակը:

19-ամյա բրազիլացու տրանսֆերն իրականացնելու համար Անգլիայի 19-ակի չեմպիոնն առաջարկել է 32 միլիոն ֆունտ ստերլինգ, սակայն բրազիլական ակումբը մերժել է: Մինչեւ այս «Յունայթեդն» առաջարկել էր 27 միլիոն ֆունտ ստերլինգ:

«Սան Պաուլուի» մարզական տնօրեն Մարկո Աուրելիո Կունին հայտարարել է, որ Լուկասի տրանսֆերը շատ ավելի թանկ արժե:

«Մանչեսթեր Յունայթեդը» 32 միլիոն ֆունտ ստերլինգ է առաջարկել Լուկասին ձեռք բերելու համար, սակայն դա բավական չէ: Լուկասի տրանսֆերը շատ ավելի թանկ է: Բացի այդ, լավ ֆուտբոլիստը ավելի կարեւոր է, քան մեծ գումարը»,- Կունիի խոսքը փոխանցում է Goal.com-ը:

Սիլվայի եւ «Սան Պաուլուի» միջեւ կնքված պայմանագրի համաձայն՝ մինչեւ համաձայնագրի ավարտը կիսապաշտպանին ձեռք բերելու համար պետք է վճարել 79 միլիոն եվրո:

Հետևեք NEWS.am SPORT-ին Facebook-ում, Twitter և Telegram-ում