Մարվել եւ շրջանառության մեջ է դրվել մեկ նամականիշով գեղաթերթիկ` նվիրված «Սպորտ, հայ օլիմպիական չեմպիոններ, Արթուր Ալեքսանյան» թեմային:
Նամականիշը մարել են Արթուր Ալեքսանյանը, ՀԱՕԿ գլխավոր քարտուղար Հրաչյա Ռոստոմյանը, ՀՀ տրանսպորտի, կապի եւ ՏՏ նախարար Վահան Խաչատրյանը եւ «Հայփոստ Թրասթ Մենեջմենթ» ԲՎ գլխավոր տնօրեն Խուան Պաբլո Գեչիջյանը, հաղորդում է ՀԱՕԿ-ի մամուլի ծառայությունը (armnoc.am):
Գեղաթերթիկի վրա պատկերված են Ռիո-2016-ում Արթուր Ալեքսանյանի գոտեմարտերից հատվածներ, ինչպես նաեւ ըմբիշի ոսկե մեդալը` տեղադրված օլիմպիական օղակների մեջ:
Հետևեք NEWS.am SPORT-ին Facebook-ում, Twitter և Telegram-ում