Թուրքական «Բեշիկթաշի» կիսապաշտպան Ջենկ Տոսունի գոլը երկրպագուների վարկածով ճանաչվել է Չեմպիոնների լիգայի խմբային փուլի լավագույն գոլ, հայտնում է ՈւԵՖԱ-ի թվիթերյան էջը:
Երկրպագուներին դուր է եկել թուրք ֆուտբոլիստի գոլը Լիսաբոնի «Բենֆիկայի» դեմ 5-րդ տուրի խաղում, որն ավարտվել էր 3:3 հաշվով: Այդ խաղում պորտուգալական ակումբը չէր կարողացել պահպանել 3 գոլի առավելությունը:
«Բեշիկթաշը» չէր հաղթահարել Չեմպիոնների լիգայի խմբային փուլի արգելքը, իսկ Ջենկ Տոսունը միայն այդ գոլն էր խփել անցկացրած 6 խաղերում:
Հիշեցնենք, որ թուրքական ակումբը Հայաստանի հավաքականի կիսապաշտպան Արաս Օզբիլիսին չէր հայտավորել Չեմպիոնների լիգային:
Հետևեք NEWS.am SPORT-ին Facebook-ում, Twitter և Telegram-ում