Հայաստանի ներկայացուցիչ Շահեն Աբաղյանը ոսկե մեդալակիր է դարձել Աթենքում ընթացող ձյուդոյի Եվրոպայի գավաթի երիտասարդական խաղարկությունում:
55 կգ քաշային Աբաղյանը մեկնարկել է թուրք ձյուդոիստի նկատմամբ հաղթանակով, իսկ հաջորդ 2 գոտեմարտերում ուժեղ է գտնվել Վրաստանի ներկայացուցիչներից եւ դուրս եկել եզրափակիչ: Ոսկե մեդալի համար գոտեմարտում հայ ձյուդոիստի մրցակիցը եղել է ադրբեջանցի Նաթիգ Գուրբանլիին, որին նա հաղթել է եւ գրավել առաջին տեղը:
Շահեն Աբաղյանը ծառայում է ՀՀ ՊՆ Բանակի մարզական ակումբում:
Հետևեք NEWS.am SPORT-ին Facebook-ում, Twitter և Telegram-ում