Մյունխենի «Բավարիան» շարունակում է հետաքրքրվել Գերմանիայի հավաքականի կիսապաշտպան Իլկայ Գյունդոգանով, ով պաշտոնապես հրաժարվել էր երկարաձգել Դորտմունդի «Բորուսիայի» հետ գործող պայմանագիրը:
Bild-ի համաձայն՝ 24-ամյա ֆուտբոլիստին ձեռք բերելու համար Գերմանիայի չեմպիոնը պատրաստ է «Բորուսիային» տրամադրել գերմանացի կիսապաշտպան Մարիո Գյոտցեի տրանսֆերային իրավունքը: 22-ամյա Գյոտցեն 2013-ին հենց Դորտմունդից է տեղափոխվել «Բավարիա»:
Գերմանիայի ընթացիկ առաջնության 29 խաղերում Գյոտցեն դարձել է 9 գոլի եւ 4 գոլային փոխանցման հեղինակ, իսկ Գյունդոգանի ծառայություններով հետաքրքրված են նաեւ «Մանչեսթեր Յունայթեդն» ու Մադրիդի «Ռեալը»: «Բորուսիայի» հետ նրա գործող պայմանագիրն ավարտվում է 2016-ի առմանը:
Հետևեք NEWS.am SPORT-ին Facebook-ում, Twitter և Telegram-ում