Գերմանիայի հավաքականի հետ աշխարհի չեմպիոն դարձած Յոահիմ Լյովը ճանաչվեց 2014թ. աշխարհի լավագույն մարզիչ:
Ցյուրիխում անցկացվող «Ոսկե գնդակի» ամենամյա մրցանակաբաշխությունում 54-ամյա գերմանացու հետ այդ մրցանակին հավակնում էին նաեւ Չեմպիոնների լիգայի գավաթակիր Մադրիդի «Ռեալը» գլխավորող Կարլո Անչելոտին եւ Իսպանիայի չեմպիոն Մադրիդի «Աթլետիկոյի» գլխավոր մարզիչ Դիեգո Սիմեոնեն:
Յոահիմ Լյովն առաջին անգամ դարձավ աշխարհի լավագույն մարզիչ: Նա 2006-ից է գլխավորում Գերմանիայի հավաքականը:
Կանանց ֆուտբոլում տարվա լավագույն մարզիչ ճանաչվեց գերմանական «Վոլֆսբուրգը» գլխավորող Ռալֆ Կելերմանը:
Հետևեք NEWS.am SPORT-ին Facebook-ում, Twitter և Telegram-ում