ՀՖՖ գրասենյակում հուլիսի 10-ին տեղի ունեցավ ֆուտբոլի Հայաստանի Բարձրագույն խմբի 2014/2015թթ. առաջնության վիճակահանությունը: 7 ակումբներ ստացան իրենց մրցաշարային համարները, որի հիման վրա կկազմվի առաջնության խաղացանկը:
Հայաստանի 2011թ. չեմպիոն Երեւանի «Ուլիսը» չի մասնակցի առաջնությանը մինչեւ սահմանված վերջնաժամկետը առաջնության մասնակցելու հավաստագիրը չներկայացնելու պատճառով, փոխանցում է ՀՖՖ կայքը:
Ակումբները ստացել են հետեւյալ համարները.
«Փյունիկ»
«Գանձասար»
«Ալաշկերտ»
«Շիրակ»
«Բանանց»
«Արարատ»
«Միկա»
Քանի որ Հայաստանի Առաջին խմբի 2014/2015թթ. առաջնությանը մասնակցելու են միայն Բարձրագույն խմբի դուստր թիմերը, այս տարի Առաջին խմբի առաջնության համար չի անցկացվի առանձին վիճակահանություն, իսկ խաղացանկը կկազմվի Բարձրագույն խմբի խաղացանկին համապատասխան:
Հետևեք NEWS.am SPORT-ին Facebook-ում, Twitter և Telegram-ում