Batumi Cup․ Հայաստանի թիմը նվաճեց 7 մեդալ (ֆոտո)

Բադմինտոնի Հայաստանի պատանեկան հավաքականը (5 աղջիկ, 4 տղա) մարզիչ Վարդիթեր Պողոսյանի գլխավորությամբ մեդալներ է նվաճեց Վրաստանի Բաթումի քաղաքում անցկացված Batumi Cup 2024 մրցաշարի մինչև 11 և մինչև 13 տարեկանների պայքարում։

Վ. Պողոսյանի սան Անիտա Արզումանյանը (Իջևան) մինչև 13 տարեկանների աղջիկների մենախաղում գրավեց 2-րդ տեղը։

Աղջիկների զուգախաղում Արզումանյանը, ընկերակցելով Մալդիվների ներկայացուցչուհի Լաիբա Ահմեդ Մահմուդին, նույնպես նվաճեց արծաթե մեդալը։

Խառը զուգախաղերում Մարկ Վարդանյան/Անիտա Արզումանյան զույգը գրավեց 2-րդ տեղը։

Մինչև 11 տարեկանների աղջիկների զուգախաղում Լիլի Կիրակոսյան (Իջևան)/Անի Էլոյան (Երևան) զույգը գրավեց 2-րդ տեղը։

Գոռ Կիրակոսյան/Լիլի Կիրակոսյան զույգը խառը զուգախաղում նվաճեց բրոնզե մեդալը։

Անի Էլոյանը մինչև 11 տարեկանների աղջիկների մենախաղում գրավեց 3-րդ տեղը։

Մինչև 11 տարեկանների տղաների զուգախաղում Գոռ Կիրակոսյան - Մենուա Սահակյան զույգը գրավեց 3-րդ տեղը։

Հետևեք NEWS.am SPORT-ին Facebook-ում, Twitter և Telegram-ում