ՉԼ․ 10 գոլ խփեցին «Ռեալն» ու «Մանչեսթեր Սիթին» եւ «Արսենալն» ու «Բավարիան» միասին (տեսանյութ)

Ֆուտբոլի Չեմպիոնների լիգայի քառորդ եզրափակիչի առաջին խաղում Իսպանիայի փոխչեմպիոն Մադրիդի «Ռեալն» ընդունեց Անգլիայի չեմպիոն, գավաթակիր, Չեմպիոնների լիգայի գավաթակիր, Եվրոպայի սուպերգավաթակիր, աշխարհի ակումբային չեմպիոն «Մանչեսթեր Սիթիին»։ Գրանցվեց ոչ ոքի՝ 3:3։

Two masters at work #UCL pic.twitter.com/XG2ThWT8Qv

— UEFA Champions League (@ChampionsLeague) April 9, 2024

pic.twitter.com/asSBFlIsyN

— UEFA Champions League (@ChampionsLeague) April 9, 2024

Արդեն երկրորդ րոպեին տուգանայինից Արքայական թիմի դարպասը գրավեց հյուրերի պորտուգալացի կիսապաշտպան Բերնարդու Սիլվան։

12-րդ րոպեին «Ռեալի» ֆրանսիացի կիսապաշտպան Էդուարդու Կամավինգայի հարվածից հետո գնդակը պորտուգալացի պաշտպան Ռուբեն Դիաշից անդրադարձով հայտնվեց դարպասում։ 2 րոպե անց իտալացի Կառլո Անչելոտիի գլխավորած թիմի երկրորդ գոլը խփեց բրազիլացի հարձակվող Ռոդրիգոն, որին գոլային փոխանցում կատարեց բրազիլացի հարձակվող Վինիսիուս Ժունիորը։

pic.twitter.com/LBXfVPn9hn

— Real Madrid C.F. (@realmadrid) April 9, 2024

66-րդ րոպեին հաշիվը հավասարեցրեց անգլիացի կիսապաշտպան Ֆիլ Ֆոդենը, իսկ 71-րդ րոպեին «Մանչեսթեր Սիթիին» առաջ մղեց խորվաթ պաշտպան Յոշկո Գվարդիոլը։

79-րդ րոպեին «Ռեալի» երրորդ գոլը խփեց ուրուգվայցի կիսապաշտպան Ֆեդերիկո Վալվերդեն։ Դարձյալ գոլային փոխանցում կատարեց Վինիսիուս Ժունիորը։

pic.twitter.com/5J2pyu8iDd

— UEFA Champions League (@ChampionsLeague) April 9, 2024

What a match. #UCL pic.twitter.com/9I2jZgnQBX

— UEFA Champions League (@ChampionsLeague) April 9, 2024

Անգլիայի փոխչեմպիոն Լոնդոնի «Արսենալը» տանը մրցեց Գերմանիայի չեմպիոն Մյունխենի «Բավարիայի» հետ եւ վերջնամասում խուսափեց պարտությունից՝ 2:2:

12-րդ րոպեին լոնդոնյան թիմի անգլիացի հարձակվող Բուկայո Սական գրավեց գերմանացի Մանուել Նոյերի պաշտպանած դարպասը։ 18-րդ րոպեին հավասարությունը վերականգնեց գերմանացի կիսապաշտպան Սերժ Գնաբրին։ 32-րդ րոպեին 11-մետրանոցն արդյունավետ իրացրեց «Բավարիայի» անգլիացի հարձակվող Հարի Քեյնը։

Harry Kane in north London #UCL pic.twitter.com/6VXtXc0U6O

— UEFA Champions League (@ChampionsLeague) April 9, 2024

«Արսենալի» երկրորդ գոլը 76-րդ րոպեին խփեց բելգիացի հարձակվող Լեանդրո Տրոսարդը։

#UCL pic.twitter.com/bvPnVpHf6N

— UEFA Champions League (@ChampionsLeague) April 9, 2024

Այս թիմերի պատասխան հանդիպումները տեղի կունենան ապրիլի 17-ին։

Չեմպիոնների լիգա, քառորդ եզրափակիչ, առաջին հանդիպում

«Ռեալ Մադրիդ» (Իսպանիա) - «Մանչեսթեր Սիթի» (Անգլիա)` 3:3 (տեսանյութ)

Ռուբեն Դիաշ, 12, ինքնագոլ, Ռոդրիգո, 14, Ֆեդերիկո Վալվերդե, 79 - Բերնարդու Սիլվա, 2, Ֆիլ Ֆոդեն, 66, Յոշկո Գվարդիոլ, 71

«Արսենալ» (Անգլիա) - «Բավարիա» (Գերմանիա)՝ 2:2 (տեսանյութ)

Բուկայո Սակա, 12, Լեանդրո Տրոսարդ, 76 - Սերժ Գնաբրի, 18, Հարի Քեյն, 32, 11մ

Ապրիլի 10

«Աթլետիկո Մադրիդ» (Իսպանիա) - «Բորուսիա Դորտմունդ» (Գերմանիա)՝ 23:00 (Երեւանի ժամանակ)

ՊՍԺ (Ֆրանսիա) - «Բարսելոնա» (Իսպանիա)` 23:00

Հետևեք NEWS.am SPORT-ին Facebook-ում, Twitter և Telegram-ում