ՉԼ․ ՊՍԺ-ն խնդիրներ չունեցավ, «Բավարիան» պարտվեց «Լացիոյին» (տեսանյութ)

Չեմպիոնների լիգայի 1/8 եզրափակիչի առաջին խաղում Ֆրանսիայի չեմպիոն ՊՍԺ-ն ընդունեց իսպանական «Ռեալ Սոսիեդադին» եւ հաղթեց 2:0 հաշվով։

Իսպանացի Լուիս Էնրիկեի գլխավորած թիմից աչքի ընկան ֆրանսիացի հարձակվողներ Կիլիան Մբապեն եւ Բրեդլի Բարկոլան։

Օրվա մյուս խաղում Գերմանիայի չեմպիոն Մյունխենի «Բավարիան» հյուրընկալվեց Իտալիայի փոխչեմպիոն Հռոմի «Լացիոյին» եւ պարտություն կրեց 0:1 հաշվով։

Երկրորդ խաղակեսում սեփական տուգանային հրապարակում թույլ տված կոպիտ խախտման համար հեռացվեց «Բավարիայի» ֆրանսիացի պաշտպան Դայո Ուպամեկանոն։ 11-մետրանոցն արդյունավետ իրացրեց «Լացիոյի» իտալացի հարձակվող Չիրո Իմոբիլեն։

Այս թիմերը պատասխան հանդիպումները կանցկացնեն մարտի 5-ին։

Չեմպիոնների լիգա, 1/8 եզրափակիչ, առաջին հանդիպում

ՊՍԺ (Ֆրանսիա) - «Ռեալ Սոսիեդադ» (Իսպանիա)՝ 2:0 (տեսանյութ)

Կիլիան Մբապե, 58, Բրեդլի Բարկոլա, 71

«Լացիո» (Իտալիա) - «Բավարիա» (Գերմանիա)՝ 1:0 (տեսանյութ)

Չիրո Իմոբիլե, 69, 11մ

Հեռացում՝ Դայո Ուպամեկանո («Բավարիա»), 67

Հետևեք NEWS.am SPORT-ին Facebook-ում, Twitter և Telegram-ում