Հայաստանի թիմը երրորդ տեղն է գրավել Չեռնոգորիայում

Չեռնոգորիայում անցկացված բռնցքամարտի երիտասարդական մրցաշարում Վազգեն Բադալյանի գլխավորած Հայաստանի հավաքականը թիմային պայքարում գրավել է երրորդ տեղը, հաղորդում է ՀԲՖ-ի մամուլի ծառայությունը։

Հայաստանի թիմը նվաճել էր 2 ոսկե, 2 արծաթե և 4 բրոնզե մեդալ։

60 կգ քաշային քաշային կարգի եզրափակիչում Էրիկ Իսրայելյանը հաղթել էր ղազախ Սարդոխան Պաիզախմանովին։

Երևանի օլիմպիական հերթափոխի քոլեջը ներկայացնող Արթուր Մկրտչյանը 63 կգ քաշայինների եզրափակիչում պարտության էր մատնել հույն Պանագիոտիս Կոստոուռոսին:

Հայաստանի երիտասարդական հավաքականից արծաթե մեդալակիր էին դարձել Լոռու մարզը ներկայացնող 51 կգ քաշային Արեն Ասլամազյանը և 57 կգ քաշային արցախցի Մանվել Պետրոսյանը:

71 կգ քաշային Գարիկ Անթանոսյանը, 80 կգ քաշային Համլետ Ադամյանը, 86 կգ քաշային Աղվան Ալեքսանյանը և 92 կգ քաշային Ավետիք Հովակիմյանն էլ արժանացել էին բրոնզե մեդալի:

Հետևեք NEWS.am SPORT-ին Facebook-ում, Twitter և Telegram-ում