Բասկետբոլի ազգային ասոցիացիայի (NBA) չեմպիոնի տիտղոսը կվճարկեն «Միլուոկին» ու «Ֆինիքսը»:
Կիսաեզրափակիչի 6-րդ խաղում «Միլուոկին» առանց թիմի առաջատար Յաննիս Ադետոկումբոյի հյուրընկալվելիս 118:107 հաշվով հաղթել է «Ատլանտային»՝ շարքի հաշիվը դարձնելով 4:2:
Հանդիպման ամենաարդյունավետ խաղացող է ճանաչվել Քրիս Միդլթոնը, որը հյուրերի կազմում հավաքել է 32 միավոր:
Խաղային օրվանից հետո NBA-ի պաշտոնական ալիքը ներկայացրել է լավագույն դրվագների հնգյակը:
Եզրափակիչում «Միլուոկիի» մրցակիցը կլինի «Ֆինիքսը», որը պայքարից դուրս էր թողել «Լոս Անջելես Կլիպերսին»:
«Միլուոկին» նախորդ անգամ NBA-ի եզրափակիչում խաղացել է 1974-ին, իսկ «Ֆինիքսը»՝ 1993-ին:
NBA, կիսաեզրափակիչ
«Ատլանտա» - «Միլուոկի»՝ 107:118 (24:28, 19:19, 29:44, 35:27)
Շարքի հաշիվը՝ 2:4
Հետևեք NEWS.am SPORT-ին Facebook-ում, Twitter և Telegram-ում