UFC-ի մարտիկներ Էդմեն Շահբազյանի և շվեդ Ջեկ Հերմանսոնի միջև մենամարտի օրը փոխվել է: Նրանք պետք է հանդիպեին մայիսի 15-ին կայանալիք UFC 262 մրցաշարում, սակայն մենամարտն անհայտ պատճառներով տեղափոխվել է:
Շահբազյանը և Հերմանսոնը կհանդիպեն մայիսի 22-ին կայանալիք UFC Fight Night երեկոյի ընթացքում: Այդ մասին ամերիկահայ մարտիկը հայտնել է սոցցանցերում:
«Կարծում եմ՝ մենք կսպասենք ևս մեկ շաբաթ: Մայիսի 22-ին մենք կվերադառնաք: Վերադարձ Լաս Վեգաս»,- գրել է Էդմեն Շահբազյանը:
Հիշեցնենք, որ 23-ամյա Շահբազյանը նախորդ մենամարտն անցկացրել է 2020-ի օգոստոսին՝ նոկաուտով պարտվելով ամերիկացի Դերեկ Բրունսոնին: Խառը մենամարտերում անցկացրած 12 հանդիպումներում նա տարել 11 հաղթանակ ու կրել մեկ պարտություն:
32-ամյա Ջեկ Հերմանսոնը խառը մենամարտերում անցկացրել է 27 հանդիպում, տարել 21 հաղթանակ ու կրել 6 պարտություն:
I guess we wait another week... May 22 here we come! Back to Vegas!
— The Golden Boy (@edmenshahbazyan) May 10, 2021
Հետևեք NEWS.am SPORT-ին Facebook-ում, Twitter և Telegram-ում