Մադրիդի «Ռեալի» գլխավոր մարզիչ Զինեդին Զիդանը խոսել է «Ռեալ Սոսյեդադի» դեմ Իսպանիայի առաջնության 25-րդ տուրի հանդիպման մասին:
«Դա հրաշալի թիմ է, որ գրանցում է լավ արդյունքներ և կարողանում խաղալ: Մեզ անհրաժեշտ է դուրս գալ խաղադաշտ և անել այն, ինչ կարողանում ենք: Վերադարձրել ենք հավատը մեր ուժերին, և դա երևում է խաղադաշտում: Բենզեման ու Ազարը շուտով կվերադառնան խաղադաշտ, սակայն չեմ կարող նշել ստույգ ժամկետ:
Վնասվածք ստացած ֆուտբոլիստները վերականգնվում են, իսկ ամենակարևորն այն է, որ նրանք նվիրված են իրենց գործին: Նույնիսկ այդքան տիտղոսներ նվաճելուց հետո նրանք շարունակում են ձգտել ավելիին»,- ֆրանսիացի մասնագետի խոսքը մեջբերում է Marca-ը:
«Ռեալ» - «Ռեալ Սոսյեդադ» հանդիպումը տեղի կունենա մարտի 1-ին և կսկսվի Երևանի ժամանակով կեսգիշերին:
Հետևեք NEWS.am SPORT-ին Facebook-ում, Twitter և Telegram-ում