Մադրիդի «Ռեալը» սեպտեմբերի 15-ին ընկերական հանդիպում է անցկացրել «Խետաֆեի» հետ:
«Ալֆրեդո Դի Ստեֆանո» ստադիոնում տեղի ունեցած հանդիպումն ավարտվել է ֆրանսիացի Զինեդին Զիդանի գլխավորած թիմի հաղթանակով՝ 6:0 հաշվով:
Պոկերի հեղինակ է դարձել ֆրանսիացի հարձակվող Քարիմ Բենզեման: Մեկական գոլեր են հեղինակել թիմի ավագ Սերխիո Ռամոսն ու Սերխիո Արիբասը:
Արքայական ակումբը 2020/21 մրցաշրջանի առաջին հանդիպումը կանցկացնի սեպտեմբերի 20-ին: Իսպանիայի առաջնության երկրորդ տուրում «Ռեալն» ուժերը կչափի «Ռեալ Սոսյեդադի» հետ:
Հետևեք NEWS.am SPORT-ին Facebook-ում, Twitter և Telegram-ում