«Արարատ-Արմենիան» չհաղթեց «Գանձասար-Կապանին»

Ֆուտբոլի Հայաստանի առաջնության երկրորդ տուրում չեմպիոն Երեւանի «Արարատ-Արմենիան» ընդունեց «Գանձասար-Կապանին» եւ բավարարվեց մեկ միավորով։ Թիմերը մեկական գոլ փոխանակեցին։

Առաջին խաղակեսի ավելացված ժամանակում հանդիպման հաշիվը բացեց «Գանձասար-Կապանի» կիսապաշտպան Գեղամ Հարությունյանը։

Չեմպիոնները հավասարությունը վերականգնեցին 62-րդ րոպեին ուկրաինացի կիսապաշտպան Սերգեյ Վակուլենկոյի գոլի շնորհիվ։

«Արարատ-Արմենիան» 2 միավորով չորրորդ տեղում է։ «Գանձասար-Կապանն» ունի 1 միավոր եւ 9-րդն է։

Հայաստանի առաջնություն, երկրորդ տուր

«Արարատ-Արմենիա» - «Գանձասար-Կապան»՝ 1։1

Սերգեյ Վակուլենկո, 62 - Գեղամ Հարությունյան, 45+2

Հետևեք NEWS.am SPORT-ին Facebook-ում, Twitter և Telegram-ում