Footy Headliners կայքում հայտնվել են ֆուտբոլի Անգլիայի առաջնության առաջատար ակումբների խաղաշապիկները՝ նախատեսված 2020/21 մրցաշրջանի համար:
Ֆուտբոլային ակումբների տեխնիկական հովանավորները դեռ պաշտոնապես չեն ներկայացրել հաջորդ մրցաշրջանի համազգեստները, սակայն նախորդ տարիների փորձը ցույց է տվել, որ Footy Headliners-ի ներկայացրած տարբերակները համընկնում են հետագայում պաշտոնապես ներկայացվող համազգեստների հետ:
«Լիվերպուլ»
Հաջորդ մրցաշրջանից սկսած «Լիվերպուլի» տենխիկական հովանավորը կլինի ամերիկյան Nike ընկերությունը: Հայտնի է, որ «Լիվերպուլի» տնային համազգեստը լուրջ փոփոխությունների չի ենթարկվի, իսկ արտագնա և պահեստային համազգեստները կտարբերվեն իրենց վառ երանգով և յուրահատուկ դիզայնով:
«Մանչեսթեր Յունայթեդ»
Adidas ընկերությունը միայն մանր դետալներ փոփոխության կենթարկի մանչեսթերյան ակումբի տնային համազգեստի դիզայնում:
«Մանչեսթեր Յունայթեդի» արտագնա համազգեստը կլինի մուգ կանաչ գույնի:
Ակումբի պահեստային համազգեստը յուրահատուկ դիզայն է ստացել՝ սև ու սպիտակ գույների համադրությամբ:
«Մանչեսթեր Սիթի»
2020/21 մրցաշրջանի «Մանչեսթեր Սիթիի» տնային համազգեստը կպահպանի ավանդական բաց կապույտ երանգը, սակայն կընդգրկի նաև սպիտակի համադրությամբ յուրահատուկ ոճային լուծումներ:
Անգլիայի չեմպիոնի արտագնա համազգեստը կլինի սև գույնի:
«Մանչեսթեր Սիթիի» պահեստային համազգեստը կլինի սպիտակ:
«Չելսի»
Լոնդոնյան ակումբի տնային համազգեստը կպահպանի ավանդական կապույտ երանգը, իսկ խաղաշապիկի դիզայնում լուրջ փոփոխություններ չեն սպասվում: «Չելսիի» արտագնա համազգեստը կլինի սպիտակ գույնի, իսկ պահեստային համազգեստը՝ կարմիր և կապույտ ուղղահայաց շերտերով:
«Տոտենհեմ»
Nike ընկերությունը որոշ փոփոխություններ է կատարել «Տոտենհեմի» տնային համազգեստի դիզայնում: Ավանդական սպիտակ գույնին ընկերության մասնագետները համադրել են նաև մուգ կապույտը և դեղինը:
«Տոտենհեմի» արտագնա համազգեստը կլինի մուգ կանաչ, իսկ պահեստայինը՝ դեղին գույնի:
«Արսենալ»
Լոնդոնյան ակումբի տնային համազգեստը լուրջ փոփոխությունների չի ենթարկվի: Արտագնա համազգեստը կկրկնի 2007/08 մրցաշրջանի արտագնա համազգեստի դիզայնը, իսկ պահեստային համազգեստը կլինի մուգ կապույտ գույնի:
Հետևեք NEWS.am SPORT-ին Facebook-ում, Twitter և Telegram-ում