Միջազգային օլիմպիական կոմիտեն հնարավոր է համարել կորոնավիրուսի պանդեմիայի պատճառով 2020թ․ Տոկիոյի ամառային Օլիմպիական խաղերի հետաձգման տարբերակը, սակայն որոշում կընդունի չորս շաբաթ հետո, հաղորդում է BBC-ն։ Օրակարգում չկա Խաղերը չեղարկելու սցենար։
Մեկ-երկու ամիս հետո պանդեմիայի հաղթահարման դեպքում, հավանական է, որ Խաղերը տեղի ունենան աշնանը։
ԱՄՆ-ի աթլետիկայի եւ լողի ֆեդերացիաներն արդեն հանդես են եկել Խաղերը 12 ամսով հետաձգելու հորդորով։
Նորվեգիայի եւ Բրազիլիայի ազգային օլիմպիական կոմիտեները եւս ՄՕԿ-ին խնդրել են հետաձգել Խաղերը, քանի որ մարզիկների նախապատրաստական փուլն արդեն խաթարվել է։
Օլիմպիական խաղերը նախատեսված են հուլիսի 24-ից օգոստոսի 8-ը:
Հետևեք NEWS.am SPORT-ին Facebook-ում, Twitter և Telegram-ում