Բասկետբոլի միջազգային ֆեդերացիան (ՖԻԲԱ) հայտարարել է բոլոր մրցաշարերի դադարեցման մասին նոր կորոնավիրուսի (COVID-19) տարածման ռիսկի պատճառով։ Որոշումն ուժի մեջ կմտնի մարտի 13-ին, հաղորդում է կազմակերպության մամուլի ծառայությունը։
Դադարեցվել են Չեմպիոնների լիգայի եւ Եվրոպայի գավաթի խաղարկության հանդիպումները։ Վերսկսման մասին որոշում կընդունվի կորոնավիրուսի տարածման իրավիճակին համապատասխան։
Եվրալիգայի ղեկավարությունը եւս ընդունել է մրցաշարի դադարեցման մասին որոշում, երբ Առողջապահության համաշխարհային կազմակերպությունը իրավիճակը որակել է պանդեմիա։ Վերսկսման ժամկետի մասին չի նշվում։
Վերջին տվյալներով, COVID-19-ից մահացել է 4,5 հազար մարդ, 66 հազարն առողջացել է։
Հետևեք NEWS.am SPORT-ին Facebook-ում, Twitter և Telegram-ում