Աշխարհի երրորդ ռակետ, շվեյցարացի Ռոջեր Ֆեդերերը խոսել է օգոստոսի 26-ին մեկնարկող ԱՄՆ-ի բաց առաջնությունում իր սպասելիքների մասին:
«Վստահ եմ, որ այս մրցաշարում հաղթելը շատ դժվար կլինի, սակայն զգում եմ, որ այն թենիսիստներից մեկն եմ, որի ուժերի սահմանում է հաղթանակ տանելը: Հպարտ եմ այն կայուն արդյունքներով, որ գրանցել եմ վերջին տարիներին:
ԱՄՆ-ի բաց առաջնության ֆավորիտները բոլորիդ քաջ հայտնի են: Եթե հաղթի այլ թենիսիստ, ապա մեծ անակնկալ կլինի»,- Ֆեդերերի խոսքը փոխանցում է Fox Sports-ը:
US Open-ի առաջին շրջանում Ռոջեր Ֆեդերերը կմրցի Հնդկաստանը ներկայացնող Սումիտ Նագալոյի հետ:
Մրցաշարի գործող չեմպիոնը սերբ թենիսիստ Նովակ Ջոկովիչն է:
Հետևեք NEWS.am SPORT-ին Facebook-ում, Twitter և Telegram-ում